Радиосигнал оддалечен девет милијарди светлосни години од планетата Земја е снимен во најквалитетна снимка досега, објави Space.com.
Сигналот е откриен на единствена бранова должина позната како „линијата од 21 сантиметар“ или „водородна линија“, која наводно ја емитуваат неутрални атоми на водород.
Сигналот што го регистрираше радиотелескопот Giant Metrewave во Индија може да значи дека научниците можат да започнат да го истражуваат формирањето на некои од најраните ѕвезди и галаксии.
Истражувачите детектирале сигнал од „галаксијата што формира ѕвезди“ наречена „SDSSJ0826+5630“, кој бил емитиран кога Млечниот Пат - галаксијата во која се наоѓа Земјата и е стара 13,8 милијарди години - била стара само 4,9 милијарди години.
„Тоа е еквивалент на поглед наназад 8,8 милијарди години“, велат индиските космолози.
Галаксиите наводно емитуваат светлина во широк опсег на радиобранови должини. До неодамна, радиобранови со бранова должина од 21 см беа снимени само од блиски галаксии.
„Галаксијата емитира различни видови радиобранови. Досега беше можно да се снима само од блиска галаксија, ограничувајќи го нашето знаење на галаксиите поблиску до Земјата“, додаваат научниците.
