Цените на производите и услугите растат насекаде, па дури и за компанијата SpaceX која ја зголеми цената за сателитскиот Starlink интернет.
Освен цените на храна и гориво, инфлацијата влијае и на цената на Starlink интернетот, барем така тврдат од SpaceX.
Цената за купувачи со депозит е зголемена од 499 долари на 549, додека за новите корисници изнесува 599 долари. Новите цени стапија на сила.
Освен тоа, дојде и до зголемување на месечната претплата, така што сега наместо 99 потребно е да одвојат 110 долари. Оваа цена корисниците ќе ја плаќаат од 22 април.
Во текот на првата година, корисниците можат да ја откажат услугата и да добијат поврат од 200 долари, односно целиот износ ако опремата ја добиле во изминатите 30 дена.
