Игрицата што ја освои јавноста на крајот на 2023 година е секако „Spider-Man 2“ на Sony Interactive Entertainment, која ги воодушеви сите критичари и со гејмплејот и со другиот дел што се однесува на квалитетот на самата игрица.
По информацијата дека стана најбрзо продаваната игрица произведена од PlayStation, од босанкиот портал Klix одлучија самите да се уверат зошто е тоа така. Долгоочекуваниот наслов на Sony Interactive Entertainment, „Spider-Man 2“, дојде во посед на голем број сопственици на конзолите PlayStation 5 и не е ни чудо што за многу краток период собра многу симпатии.
Игрицата се најавуваше долго време, трејлерите влеваа надеж дека навистина сѐ ќе биде на високо ниво и иако ретко се случува гејмплејот да биде сличен на трејлерот, овде може да се каже дека е сосема идентичен.
Но, да се вратиме на фактите. „Spider-Man 2“ на Marvel продаде 2,5 милиони примероци во првите 24 часа, а 6,1 милиони примероци беа продадени за еден месец. Игрицата е придружена со испреплетена приказна со секојдневни задачи за никогаш да не ви биде досадно додека играте. На пат кон мисија, многу лесно ќе решите неколку инцидентни проблеми на вашите сограѓани во многу детален Њујорк каде Питер Паркер и Мајлс Моралес имаат полни раце работа.
Сето тоа го олеснува оделото wingsuit кое овозможува полесно патување во Њујорк, а да не зборуваме за летање, но благодарение на ова, решавањето на мисијата и целата приказна од почеток до крај е многу полесно и побрзо. А, за да биде уште побрзо, постои и т.н. брзо вклучување на мапата, но зошто да го расипете доживувањето на патувањето?
Мисиите се спроведуваат на истата основа, спасувајќи го светот и тренирајќи го младиот Спајдермен Мајлс Моралес кои се пријатели во еден момент, а во друг не. Хари Озборн, Крејвен, Мартина Ли, Мери Џејн и многу други актери се вклучени во многу детална приказна која се следи од почеток до крај.
Sony Interactive Entertainment овој пат ги збогати борбените способности и на Питер Паркер и на Моралес, кои се надградуваат додека заработувате поени за надградба на напад/одбрана, а борбите се многу полесни и сѐ се сведува на L1/R1 и копчињата за насочување и главните копчиња на десната страна на хаптичкиот контролер што има неверојатен одговор при летање, трчање, борба и други настани во текот на игрицата.
Она што особено нѐ импресионираше е борбата со внатрешните демони на Спајдермен кои го ослободуваат, а низ која го води Мистер Негатив. Патувањето на Паркер и Моралес е многу возбудливо во ова издание на Спајдермен, каде што беше посветено големо внимание на креирањето на игрицата, како технички, така и од аспект на гејмплеј.
Venom, Kraven, Lizard, Sandman, Wraith, Grizzly, Mr. Negative, Black Cat, Tombstone, Otto Octavius и многу други ве чекаат, па по празниците време е да ги отворите касичките и да го истражите светот на Спајдермен на невидено деталниот Њујорк.
