Во Штип пристигнаа двајца фудбалери од простори од каде во нашата лига немале шанса да профедилираат многу играчи - Панама и Костарика.
Дефанзивецот Џамал Дикенс ќе стане првиот Панамец што ќе игра фудбал во Македонија. Има 21 година и игра на позицијата централен дефанзивец, а штипјани велат дека може да игра и како лев бек. Доаѓа од редовите на костариканскиот клуб Десампарадос. Претходно ги бранел боите на панамскиот клуб Тауро.
Второто засилување доаѓа од истиот клуб, но е фудбалер од Костарика. Станува збор за 24-годишниот напаѓач Фабрисио де Хесус Венегас Уљоа, кој претходно настапувал за Санта Ана и Лимон, исто така костарикански клубови. Инаку, тој е помал брат на далеку попознатиот Јохан Венегас, исто голгетер, кого во репрезентацијата на Костарика ко гледавме на Мундијалите во Катар 2022 и Русија 2018.
Веќе имаше еден Костариканец во македонската прва лига и тоа офанзивецот Фреди Алварес, кој одлично се покажа во Шкупи и скоро направи трансфер во Тајланд.
Дикенс и Венегас ја засилуваат Брегалница откако во овој клуб како повратници дојкдоа голманот Мартин Давков од Тиквеш и десниот бек Ване Јованов од Победа. Од клубот досега си заминаа: Александер Борха Кордоба (Беса 1976), Даниел Мојсов (Тиквеш), Давид Денковски (Шкупи), Дарко Додев (Влазниа, Албанија), Адис Хаџановиќ, Милан Ѓокиќ, Немања Шчекиќ и Александар Ристевски (сите без клуб).
