По трансферот на Ерлинг Холанд во Манчестер Сити, клубот од синиот дел на Манчестер треба да биде во центарот на уште еден сензационален трансфер, но овојпат во улога на продавач.
Рахим Стерлинг е блиску до трансфер во Челси, кој сака да го ангажира за сума од околу 45 милиони фунти.
Англискиот репрезентативец наполни 28 години, а договорот со Сити го обврзува на уште една година, што е причина за помалото обештетување за кое Челси најверојатно ќе го ангажира. Играјќи за Сити, тој освои 12 трофеи, вклучително и четири титули во лигата, а новиот сопственик на Челси, Тод Боли, го гледа неговото купување како можност да докаже дека лондонскиот клуб сè уште е фактор на пазарот за најбогатите.
Денеска британски The Telegraph, повикувајќи се на свои извори блиски до лондонскиот клуб, објави дека Стерлинг ќе биде најплатениот играч на клубот во Челси со неделна плата од 300.000 фунти. Тоа би значело дека неговата годишна плата ќе изнесува 15,6 милиони.
