Струга и натаму перфектна, Шкупи се лизна против Победа

Денеска се одигра вонредно коло во најдобрата македонска фудбалска лига. По ова 5-то коло лидерот Струга и натаму е со максимален скор, додека бранителот на тронот, чаирски Шкупи, ги разочара своите навивачите играјќи реми дома против прилепска Победа.

Во своетро четиригодишно постоење екипата на Струга ги бележи најдобрите резутати. По првите пет кол има максимален скор, односно 5 победи од 5 натпревари откако попладнево го совлада Силекс. Кратовци пружаа добар отпор, израмнија откако домашните поведоа од пенал, но потоа иако имаа играч повеќе примија гол.

Навивачите на Шкупи не само што очекуваат сигурни 3 бода од домашниот натпревар Победа, еде од главните кандидати за испаѓање, туку и очекуваа голеада. Ништо од тоа не се случи бидејчи шампиони прво едвај го скрши отпорот на прилепчани, за само три минути подоцна да прими гол. За Победа денешниот бод е прв освоен сезонава.

Резултати од 5. коло:

Академија Пандев - Скопје 3:0
12' Димитар Митровски, 79' Мите Цикарски, 87' Димитар Трајков

Струга - Силекс 2:1
31' (п) Бесарт Ибраими, 82' Буњамин Шабани - 72' Марјан Ристовки
Црвен картон: 74' Дарко Илиески (Ст)

Тиквеш - Шкендија 1:3
19' Едиз Спахиу - 23' Ферхан Хасануи, 43' Бруно Дита, 58' Љупчо Дориев

Македонија ЃП - Работнички 1:1
63' Фахрудин Ѓурѓевиќ - 48' Крсте Велкоски

Шкупи - Победа 1:1
81' Реналдо Сефас - 84' Иван Галевски

Табела:

1. Струга 15
2. Шкендија 10
3. Силекс 8
4. Академија Пандев 7
5. Шкупи 7
6. Брегалница 7
7. Мкаедонија ЃП 4
8. Тиквеш 4
9. Работнички 4
10. Победа 1
11. Скопје 0