Времето денеска наутро ќе биде студено и особено во котлините во јужниот дел со појава на магла или ниска облачност.
Преку денот ќе биде сончево со мала до умерена локална облачност. Ќе дува слаб ветер од југоисточен правец. Минималните температури ќе бидат во интервал од минус шест до три, а максималните ќе достигнат од шест до 10 Целзиусови степени.
Во Скопје наутро ќе преовладува студено време, преку денот сончево со мала до умерена облачност и со слаб јужен ветер. Минималните температури ќе се спуштат до минус четири, а максималните ќе достигнат до шест степени.
Во наредните денови следува период на стабилно време со пониски утрински температури. Во среда по одделни котлини ќе има појава на магла или ниска облачност, кога и дневните температури ќе се задржат пониски. Потоа дневните температури ќе бидат во постепен пораст.
Најстудено утрово е во Крива Паланка со -5 и во Маврово со -4 степени Целзиусови. Минусни температури има и во Берово, Демир Капија и Куманово, во Скопје е нула, а најтопло е во Гевгелија со 5 степени.
Во текот на ноќта имаше променлива облачност и дуваше слаб променлив ветер. Утринава во источните делови е сончево, а зголемена облачност има во централните и западните делови. Дува слаб променлив ветер. Во Крушево и во Скопската котлина е магливо.