Бенјамин Шешко ги импресионираше скаутите на Манчестер Јунајтед, објави The Sun.
Англиските медиуми додаваат дека во Јунајтед размислувале за словенечката ѕвезда, која потпиша договор со РБ Лајпциг и остана на позајмица во РБ Салцбург, уште летово кога Кристијано Роналдо сакаше да го напушти клубот.
Лајпциг ќе плати 24 милиони евра за 19-годишниот Шешко, но тоа не значи дека клубот од Манчестер не е сè уште заинтересиран. Клубот, чиј тренер е Ерик тен Хаг, не е единствениот што го посакува Словенецот. Во редот, наводно, чекаат уште Челси и Баерн. Transfermarkt вредноста на Шешко ја проценува на 20 милиони евра, но јасно е дека за него ќе се бара поголема сума.
Да потсетиме, Шешко се истакна со неодамнешниот гол за Словенија во стилот на Марко ван Бастен, во Лигата на нации, кој го постигна против Шведска. На 15 настапи за Салцбург оваа сезона, тој постигна пет гола и додаде две асистенции.
