Минатата година Twitter го суспендираше профилот @ElonJet каде Џек Свини објавуваше информации за активностите на приватниот авион на сопственикот на оваа социјална мрежа, Илон Маск, но тој се врати со нов профил со значителна промена.
Профилот на Свини @ElonJet е суспендиран поради промена на политиката за користење на Twitter која забранува споделување локации во живо. Сепак, Свини повторно ја користи социјалната мрежа преку новиот профил @ElonJetNextDay каде продолжува да објавува информации за летовите на авионот на Маск, но овој пат со задоцнување од 24 часа.
Ова би можело да биде обид на Свини да се „усогласи“ со новите правила, кои овозможуваат објавување на „јавно достапни информации откако ќе помине одредено време, така што поединецот не е изложен на ризик“. Профилот е достапен само кратко време, па останува да видиме дали Twitter ќе реагира.
Свини и неговиот профил @ElonJet се долго време на „радарот“ на Маск. Маск му понудил 5.000 долари за да го избрише профилот, но Свини одбил и барал 50.000 долари. Повеќе од 500.000 луѓе го следеа неговиот профил.
Меѓутоа, профилот беше баниран откако автомобилот во кој бил син му на Маск бил следен во Лос Анџелес. Twitter соопшти дека Свини ги прекршил правилата на социјалната мрежа, но не прецизираше кои правила. Маск подоцна изјави дека ќе го тужи Свини и организациите кои го поддржуваат загрозувањето на неговото семејство.
Од друга страна, профилот @ElonJet на Mastodon го следат 68.000 луѓе, беше отворен на 14 декември годинава и објавува информации за авионот на Маск и летовите на други познати личности. Драмата кулминираше со најавата на Маск за анкета во која корисниците гласаа за тој да се повлече од функцијата извршен директор на Twitter.