Светската здравствена организација очекува 236.000 смртни случаи како последица на COVID-19 во Европа од крајот на август до 1 декември, изјави денеска регионалниот директор на СЗО за Европа, Ханс Клуге, на прес-конференција во Копенхаген.
– Бројот на смртни случаи од коронавирус се зголеми за 11 проценти само минатата недела, истакна Клуге.
„Црното“ предвидување доаѓа од Институтот за здравствена метрика и проценка при Универзитетот Вашингтон во Сиетл.
– Порастот на случаите е предизвикан од многу заразната делта варијанта, ублажување на многу рестриктивни мерки во голем број земји и значително зголемување на бројот на патувања во текот на летото, објасни Клуге.
Според него, регистрирано е драстично зголемување на бројот на нови инфекции, особено на Балканот, Кавказ и во Централна Азија.
