По вчерашниот натпревар меѓу Сасуоло и Милан, Златан Ибрахимовиќ изјави дека не знаел оти Стефано Пиоли останува на позицијата тренер на „росонерите“.
Ибра зборуваше за тренерот на екипата откако фи постигна двата погодоци во триумфот на Милан над Сасуоло со 2:1.
„Победивме во тежок натпревар против тим кој игра навистина добар фудбал. Правиме убави работи, ама сезоната уште не е завршена. Уште не сме ја оствариле целта. Го сакаме петтото место, ама и квалификациите се добра опција“, рече Ибра, па додаде:
„Не знам ништо за Пиоли. Овде ќе научите нешто ново секој ден. Работам, атмосферата во екипата е добра и среќни сме. Откако јас дојдов во клубот табелата покажува дека сме второпласиран тим во лигата.“
