Жоао Мендес де Асис Мореира има 16 години и е син на легендарниот фудбалер Роналдињо. Моментално е член на Крузеиро чиј сопственик е Роналдо Назаиро де Лима, кој неодамна го купи клубот.
Медиумите во Бразил очекуваат дека наскоро оваа земја ќе добие уште еден голем фудбалер бидејќи синот на Роналдињо ветува многу. Станува збор за млад напаѓач кој настапува за У-17 екипата на Крузеиро и се очекува наскоро да дебитира во сениорскиот тим.
Кога станува збор за Роналдињо, вели дека е среќен што неговиот син го следи неговиот пример да стане професионален фудбалер.
„Бев пресреќен кога видов дека сака да стане фудбалер. Малку ми е страв, како и секој татко и јас стравувам. Ми годи тоа што одлучи да се занимава со тоа што јас го сакам целиот живот“, изјави неодамна Роналдињо.
Легендарниот Бразилец и еден од најдобрите фудбалери кои светот некогаш ги видел тврди дека секогаш ќе биде поддршка на синот и неговата фудбалска кариера,
„Одлично размислува и поради тоа сум среќен. Кога ќе го видам на терен, тоа претставува за мене големо уживање. Тука сум за него да му дадам поддршка и тоа ми е улогата. Не сакам премногу да го задевам, но знам дека мора да учи. Во најдобрите години е и среќен сум што чекори по мојот пат“, додаде фудбалерот.
Бразилските медиуми пишуваат дека момчето е квалитетен играч, но не сакаат да стават притисок пред него. Жоао е роден во 2005 година и освен бразилско поседува и шпанско државјанство со оглед на тоа дека е роден кога Роналдињо играше за Барселона.