Американската пејачка Тејлор Свифт раскина со актерот Џо Алвин по шест години поминати заедно.
Свифт и Алвин наводно раскинале пред неколку недели.Фановите на мегаѕвездата која моментално е на турнеја останаа во неверување на социјалните мрежи.
Entertainment Tonight прв ја објави шокантната вест повикувајќи се на неименуван извор, што подоцна беше потврдена од People.
„Не беше ништо драматично. Врската стигна до крајот. Затоа Џо го немаше на ниту еден концерт од турнејата“, вели изворот.
Свифт (33) и Алвин (32) почнаа да се забавуваат во 2016 година и беа многу внимателни да не откриваат детали во јавноста. Американските медиуми објавија дека пејачката и актерот тајно се вериле во 2022 година.
Двојката толку силно ја штитеше својата приватност што Алвин одби да зборува за Свифт за британски Vogue во 2018 година. Потоа објасни зошто го избегнувал тоа.
„Ја разбирам љубопитноста на луѓето за светот во кој живееме, за приватниот живот на луѓето. Па, не ја разбирам, но знам дека постои. Што се однесува до мене, едноставно не се чувствувам дека тоа е нешто кое би сакал да го споделам“, рече тој.
