Вселенскиот телескоп James Webb на американската вселенска агенција НАСА го забележа своето второ големо откритие за само две недели.
Истражувачите ја искористија камерата на телескопот за првпат да откријат водена пареа околу комета во главниот астероиден појас, позната и како комета на главниот појас. Научниците мислеа дека кометите можат да го зачуваат водениот мраз релативно блиску до Сонцето, но досега немаа цврсти докази за тоа тврдење. Општо земено, тие очекуваа кометите во Кајперовиот Појас или Ортовиот Облак да бидат доволно далеку од Сонцето за мразот да опстојува.
Сепак, ова откритие создаде нова загатка. Додека јаглеродниот диоксид обично сочинува 10 отсто од потенцијално испарениот материјал во кометата, инструментите на James Webb не открија ниту еден во кометата Read. Истражувачкиот тим шпекулира дека CO2 или се расфрлал во текот на милијарди години или дека Read се формирал во релативно „удобен“ дел од Сончевиот Систем кој не содржел CO2.
Read беше едно од првите тела користени за одредување на главната категорија на комети во појасот. Телескопот James Webb е првото „парче опрема“ доволно моќно за детално да ги проучува овие комети.
Потребни се повеќе набљудувања за да се утврди дали недостатокот на CO2 кај Read е случајност или споделен со други комети од главниот појас. Без оглед на одговорот, научничката Стефани Милам смета дека мисијата за собирање примероци може да помогне да се соберат повеќе знаења за комети како оваа. Тоа секако би било попрактично од другите мисии бидејќи Кајперовиот појас започнува приближно на работ на орбитата на Нептун, додека Ортoвиот Облак е оддалечен околу две светлосни години.
