Sky Sport објави дека двајцата боксерски тешкаши договориле борба за светската титула.
Тајсон Фјури и Олександр Усик се договорија да се соочат во рингот. што ќе биде многу очекувано обединување на титулите.
Тешкашите се подготвени да се борат за титулата обединет шампион во тешка категорија, изјави познатиот американски боксерски промотер Боб Арум, кој стои и зад промоцијата на Тајсон Фјури. Така, тешката категорија и титулите ќе бидат обединети за прв пат по Ленокс Луис во 1999 година.
Точниот датум и место на борбата допрва треба да се одредат, но и двајцата боксери сакаат борбата да се одржи на почетокот на 2023 година. Кандидати за домаќини на големиот боксерски меч се Блискиот Исток, односно Саудиска Арабија, Обединетите Арапски Емирати, а можеби и Катар и Велика Британија.
Со овој договор, опцијата за борба на Усик против Филип Хрговиќ, која и онака беше сосема малку веројатна, падна во втор план.