Компанијата Tesla соопшти дека во последниот квартал од минатата година испорача рекордни 308.600 илјади автомобили, што е многу повеќе од предвидената продажба која беше 263.026.
Компанијата на Илон Маск го оствари овој успех и покрај недостатокот на чипови на светскиот пазар, најмногу благодарение на зголемувањето на производството во Кина, пренесе Reuters.
Oва е шестиот квартал во кој бележат рекордна испорака.
Во периодот октомври-декември минатата година се испорачани околу 30% повеќе автомобили отколку во третото тримесечје, а дури 70% повеќе отколку во последниот квартал во 2020 година, се наведува во соопштението.
Tesla значително го зголеми производството во Кина за продажба во таа земја и за извоз во Европа и покрај силната конкуренција. Во соопштението се наведува дека во последниот квартал се продадени 296.850 автомобили Model 3 и Model Y, како и 11.750 автомобили Model S и Model X.