Клубот од истоимениот град последен пат играше во Премиер лигата во сезоната 2010/11 кога го освои Лига купот.
Седумкратниот освојувач на Супер Боулот, Том Брејди, склопи партнерство со холдинг-компанијата Birmingham City Knighthead Capital Management LLC и стана претседател на новиот советодавен одбор на Бирмингем Сити.
„Бирмингем е култен клуб со толку многу историја и страст и да се биде дел од 'Сините' е вистинска чест за мене“, рече Брејди во видеото објавено на веб-страницата на клубот и на Twitter профилот на Американецот.
Во клупското соопштение се вели дека Брејди „ќе го примени своето големо лидерско искуство и експертиза во неколку компоненти на клубот, вклучително и работа со одделот за спортска наука за да советува за системи и програми за здравје, исхрана, велнес и закрепнување“.
Бирмингем последен пат играше во Премиер лигата во сезоната 2010/2011 година кога го освои Лига купот со победа над Арсенал во финалето, но и испадна во Чемпионшип. Брејди, најуспешниот бек во историјата на НФЛ, освои шест Супер Боула со Њу Ингланд Петриотс и еден со Тампа Беј Буканирс. Во февруари, по поразот на Тампа во плеј-офот, објави дека се пензионира.
Минатата сезона тимот заврши на 17. место од 24 екипи во англиската втора лига и избегна испаѓање во Лиг 1.