Франција не е само Париз со Ајфеловата кула и Лувр. Франција изобилува со преубави места кои ги нема ниту во брошурите, а вреди да се посетат.
Сте слушнале некогаш за Венеција на Алпите? Тешко. Така многумина го нарекуваат малиот град Анси кој се наоѓа на Француските Алпи близу границата со Швајцарија и Италија. Тоа е град со 130 илјади жители кој не е во туристичките водичи, а изобилува со убавина распослан до истоименото езеро и полн со градски канали поради кои наликува на познатата Венеција.
Малку погоре од Анси, од другата страна на Алпите се наоѓа регионот Алзак кој е мешавина од француска и германска култура. Токму таквиот мешовит шмек создал бајковити гратчиња како на пример градот Колмар кој личи небаре излегол од филм на Disney.
Нормално, во Франција мора да се посети и Париз, но секогаш имајте ги предвид и малите гратчиња каде нема гужва од туристи, а има убава храна.
