Неколку дена откако милијардерот Доналд Трамп ја исмеа одлуката на Илон Маск кој се откажа од идејата за купување на Twitter, Маск изјави дека е време Доналд Трамп да ја заврши кариерата.
„Не го мразам тој човек, но време е Трамп да си го закачи шеширот и да заплови кон зајдисонцето“, изјави Маск.
Додаде дека Демократите исто така треба да ги запрат нападите на Трамп, коментирајќи дека Трамп никако не смее да се врати како претседател на САД.
Забелешките на Маск се одговор на коментарите кои Трамп ги изнесе на митинг во Алјаска. Поранешниот претседател на САД на собирот изјави дека Маск нема да го купи Twitter и дека само направил хаос.
„Маск пред некој ден ми кажа дека никогаш не гласал за републиканец. Му реков дека не го знаев тоа, ми рече дека гласал за мене. Тој е уште еден мајстор за лажење“, изјави Трамп.
Маск додаде дека Трамп е престар за каква било функција.
„До крајот на мандатот би имал 82 години, што значи дека е престар да биде извршен директор на што било, а камоли да биде претседател на САД“, укажа Маск.
