Претседателот на САД, републиканецот Доналд Трамп го победи кандидатот на демократите, Џозеф Бајден, во сојузната држава Флорида, една од најважните за исходот на изборите.
Флорида е често клучна држава кога трката е неизвесна како вечерва.
Освојувањето на Флорида го остава Трамп во трка за нов мандат. Да ја загубеше Флорида, немаше да има големи шанси да победи. Со победата во Флорида, Трамп доби уште 29 електорати и сега има 174.
Бајден досега освои 223 електорати.
За да победи на изборите, кандидатот треба да освои 270 од 538 електорати.
Во сите други клучни држави, Трамп и Бајден водат неизвесна трка.