Поранешниот напаѓач на Јувентус Давид Трезеге даде одлично интервју за Gazzetta dello Sport, во кое, меѓу другото, откри дека Кристијано Роналдо имал проблеми со некои соиграчи во Јувентус.
Според Трезеге, Роналдо бил најмногу вознемирен што клубот го продал Кингсли Коман на Баерн. Овој потег го смета за најголема грешка на клубот.
Поранешниот француски напаѓач уште важи за најдобар странски стрелец во историјата на Јувентус, а пред три години стана амбасадор на клубот.
„Роналдо е најдоброто засилување што го направи клубот, никој не можеше да го очекува тоа во тоа време. Кристијано имаше проблеми со соиграчите, тоа беше очигледно, но тој сепак постигна 100 гола. Мислам дека никој не го водеше Роналдо толку квалитетно како Зинедин Зидан, па можеби на Јувентус му недостасуваше дијалог“, рече Трезеге и додаде:
„Има тренери кои можат да им кажат на играчите дека одиграле лоши 90 минути и мора да им помогнат да победуваат на натпреварите. Има и играчи кои тренерите не сакаат да ги имаат против себе. Тоа е Роналдо. Исто така Дибала“.
