Главоболката е чест придружник на воспалените синуси кај кои неретко не помага ниту најсилниот лек.
Со ладните денови се враќаат и маките на сите кои патат од често воспаление на синусите. Инфекцијата се појавува кога синусите ќе отечат, што го спречува природното цедење, а тоа доведува до притисок, болка и потешкотии со дишењето.
Навечер, пред спиење, ставете на топла рингла лажица изрендан корен од рен. Покријте ја главата со поголем пешкир, наведнете се и вдишувајте од испарувањето. Оваа постапка повторувајте ја најмалку 5 дена, без да прескокнувате денови.
Исто така, земете свеж рен, изрендајте го и прелијте го со вински оцет, а потоа ставете го во флаша од пола литар и затворете ја. Смесата чувајте ја 10 дена на собна температура со повремено протресување. Кога ќе поминат 10-те дена, неколку пати на ден преку отворената уста на шишето 5 минути вдишувајте го испарувањето.
Со истата течност потопете ткаенина и држете ја во текот на ноќта на челото или на задниот дел од главата. Оваа терапија трае 5 дена, што е доволно за лутиот и јак мирис на рен во оцет да го реши синуситисот и непријатната главоболка.
Едно од решенијата е и да изрендате 50 грама рен, да го ставите во 5 децилитри вода и да го оставите да зоврие. Потоа ставете ја главата над лонецот, покријте се со пешкир и вдишувајте од пареата. Од овој лек би требало за многу брзо да ви се отворат синусите.