Психологот Михаил Лабковски одвои три главни правила коишто водат до добар секс.
Сексот е биолошка потреба, но многумина ја претвораат оваа потреба во игра. Сосема е нормално веднаш да не сакате секс со личност којашто уште не сте ја запознале добро. Или по караница, кога не ви е ни дојдено до секс и галење. Но, кога имате желба, но си велите „не“ за да манипулирате со желбата, тоа веќе претставува сериозен проблем.
Мажите исто така играат игри, бараат потврда за љубов низ сексот, а тоа доведува до различни последици. Се игнорира физичката потреба, а растат психолошките комплекси.
Потребно е да се свртите кон себеси, да ги почитувате вашите желби и да не се одрекувате од здравите сексуални потреби. Ослободете се од моралните окови од детството, заборавете на тоа дека лошо ќе мислат за вас ако веднаш се согласите за секс со некого. Сакајте се со оној за кого имате желба, советува психологот.
Жените обично имаат проблем со убавината, мажите и технологијата. Некои сметаат дека не се доволно убави, па цел живот размислуваат за тоа. Други се плашат да преземат иницијатива па се несигурни и постојано го прашуваат партнерот дали му се допаѓаат, што им се допаѓа кај нив и слично.
За да биде сексот добар, треба да престанете да размислувате за вашите бутови или за целулитот. Мислете малку на партнерот, размислувајте што ви се допаѓа кај него.
Многу луѓе имаат секс, но не како што сакаат или во моментите кога сакаат. За некој тоа е вршење брачна должност, некој се заборава себеси само за да го задоволи партнерот, а некои се согласуваат на болен и непристоен секс за да го задоволат другиот.
Таквото однесување доведува до некои болести како еректилна дисфункција или вагинизам, кога и самата пенетрација задава болка.
Важно е да бидеме во состојба да кажеме „не“ кога едноставно не ни е дојдено до секс. Сексот никогаш не треба да се случува поради сожалување, чувство на должност и слично.
