Студија објавена во Archives of Sexual Behavior откри поради кои причини жените глумат оргазам.
Истражувачите разговарале со 462 хетеросексуални жени и издвоија три најчести причини поради кои жените лажат дека доживеале оргазам.
Еволуциската психологија феноменот на глумење оргазам го објаснува како стратегија за задржување на мажот. Мажите сакаат нивната партнерка да ужива и доживува оргазам, а жените глумат само за да го задоволат партнерот.
Истражувањето покажало дека жените кои се плашат дека партнерот ќе ги изневери, почесто глумат оргазам.
Многу жени се сложуваат дека мажите треба да знаат што сакаат нивните партнерки и како да ги задоволат, но ако некоја жена смета дека задоволството на партнерот не е целосно ако и таа не доживее оргазам, тогаш ќе го одглуми.
Но, тука се крие уште еден проблем. Често разликата меѓу тоа дали жената сака да доживее оргазам поради себе и сопственото задоволство или мисли дека мора за да го усреќи партнерот, влијае на тоа дали навистина ќе го доживее.
Постојан многу предрасуди поврзани за полот, а меѓу нив е и оној дека жените се премногу чувствителни или дека мажите би требало да се грижат за нив. Ако жените прифатат предрасуди поврзани со нивниот пол, таквите уверувања може да влијаат на нивните одлуки дали или нема да одглумат оргазам.
Истражувањето покажало дека жените кои имаат негативни уверувања за полот и оние кои мажите не ги почитуваат, почесто глумат оргазам.
