Лекарите советуваат дека во летниот период, освен вода, треба да пиете и изотонични пијалаци за да избегнете дехидрација.
Изотоничните пијалаци, или популарно наречените „спортски“ пијалаци, содржат 40-80 грама јаглени хидрати на литар. Се смета дека овие видови на пијалаци се најефективниот начин за рехидратација за време и после вежбање, но и за време на екстремни горештини.
Изотоничните пијалаци содржат две главни состојки: јаглехидрати кои обезбедуваат „гориво“ за работа на мускулите, како и натриум, односно сол. Малата количина на натриум помага за забрзување на рехидратацијата, одржува рамнотежа на течности и ги заменува солите изгубени со потење.
Ако пијалакот се опишува како изотоничен, тоа значи дека содржи слични концентрации на сол и шеќер како во човечкото тело. Со други зборови, ќе содржи помеѓу 6 и 8% јаглени хидрати (шеќер). Изотонични пијалаци можете да направите сами дома.
Потребни состојки:
- 250 ml вистински овошен сок
- 250 ml вода
- прстофат сол
Соединете ги сите состојки, добро измешајте и изладете. При изборот на сок, важно е да не се користи пијалак направен од разредено овошје. Може да земете вистински, стопроцентен сок од портокал.
Потребни состојки:
- сок од половина лимета, околу 20 ml
- 150 ml сок од јаболко
- 330 ml вода
- 1 лажица мед или кафеав шеќер
- 4 до 6 листови нане
- прстофат сол
Прво измешајте ги шеќерот/медот и нането, но не кршете ги листовите нане. Потоа додадете сок од јаболко и вода. Сè добро измешајте и изладете, така што напитокот ќе биде готов за пиење. Оваа опција не е толку евтина како претходната, но е вистински поздрава и побогата по вкус алтернатива.
Потребни состојки:
- 44 ml сок од лимон
- парче суров ѓумбир
- 450 ml вода
- 3 лажици мед
Додадете неколку тенки парчиња ѓумбир во голема шолја зовриена вода и оставете го да отстои додека ѓумбирот не го ослободи својот вкус. Отстранете ги парчињата ѓумбир и исцедете го лимонот, а потоа измешајте го медот. Оставете го прво да се излади на собна температура, а потоа изладете го во фрижидер.
