Ако сте навикнати да јадете леб со секој оброк, а од друга страна, загрижени сте за вишокот калории што ги внесувате, експертите споделија трик кој ќе ви помогне да ги претворите едноставните јаглехидрати во лебот во оние поздрави, „отпорни“.
Лебот често се смета за главен виновник за зголемување на телесната тежина, иако во повеќето случаи тоа не е, особено ако јадете само парче или две дневно. Меѓутоа, ако ве мачи совеста што не можете да се откажете од него, можеби ќе ви биде полесно ако примените трик кој наводно ќе го преполови бројот на калории што ги внесувате со лебот.
Откако ќе купите или испечете домашен леб - ставете го во замрзнувач. Зошто? Бидејќи како и печењето и ладењето, замрзнувањето го претвора скробот во отпорен скроб. Звучи неверојатно, но тоа значи дека вашето тело добива многу помалку калории од лебот. Всушност, отпорниот скроб ги храни вашите цревни бактерии наместо да ве дебелее, пишува BBC.
Најголемиот проблем со белиот леб е што поради високиот гликемиски индекс пребрзо ослободува енергија, па го зголемува нивото на шеќер во крвта. Ова може да придонесе за развој на дијабетес тип 2, па дури и да го забрза развојот на малигни заболувања. Сепак, оние што немаат семејна историја на дијабетес, не треба да избегнуваат бел леб, кој идеално се јаде за појадок, бидејќи тогаш го забрзува метаболизмот, сметаат научниците.
