Пеглањето дефинитивно не е активност што некој ја прави со преголем ентузијазам, ниту пак е нешто на што некој се радува.
На пролет и во лето, кога времето е убаво, а вечерите топли, дефинитивно се моменти кои повеќе би сакале да ги поминете надвор отколку покрај даската за пеглање.
Затоа, применете еден трик на искусни домаќинки, кој може многу да ја олесни оваа, толку омразена активност, и да заштедите време.
Најпрво изберете малку поблага програма за перење, за облеката да не се згужва премногу. На тој начин на облеката ќе се појават само мали набори кои лесно ќе се порамнат.
Потоа, кога алиштата ќе се исперат, извадете ги и земете закачалки. Колку што е можно повеќе од нив. Ставете по едно парче облека на секоја закачалка, добро истегнете ги и закачете ги да се сушат. На овој начин гардеробата ќе се суши и истовремено ќе се испегла.
Потоа едноставно тргнете ги алиштата од закачалките и ставете ги во плакар, или закачете ги внатре заедно со закачалките, во зависност од вашиот распоред во плакарите.