Прекршувањето на верноста подеднакво преовладува и кај мажите и кај жените, митот дека мажите повеќе изневеруваат е далечно минато. Но, за разлика од нив, жените не се впуштаат многу лесно во неверство и потребни се навистина неколку клучни работи за да се одлучат за тој чекор.
Кои се најчестите причини поради кои жената ќе легне во кревет со друг маж, иако има партнер?
Ниту една жена не сака на партнерот да му биде цимерка и дадилка. Ако партнерот често не е дома и жената често е сама дома, може да се јави фрустрација кај жената. Може да се појави емоцинално незадоволство предизвикано од неисполнета желба за допири, прегратки, бакнежи, интимен однос, оргазам.
Во ваков случај, жената често се одлучува на разговор со партнерот, но можеби нема отворено да му каже што ѝ недостига.
Не е тајна дека по некое време сексот во подолга врска се претвора во рутина. Токму затоа постојано треба да се внесува свежина во врската. Затоа и запознавањето на исклучително привлечен маж кој флертува може жената ја да инспирира за прељуба.
Но, пред да дојде до тоа, жената со нејзините постапки ќе му даде до знаење на партнерот што ѝ недостига. Ќе флертува со него, но нема да биде задоволна ако сексот остане ист, ладен и себичен.
Многу мажи добро го познаваат сопственото тело и телото на партнерката и интимниот однос често завршува со обострано задоволство. Меѓутоа, на ниту една жена добриот секс не ѝ е показател дека е сакана, посакувана. Неретко ваквите партнери се фалат со нивните љубовни вештини, но не покажуваат доволно почит кон партнерката, а понекогаш и ја понижуваат пред други луѓе.
Тогаш жената се чувствува несигурно и е желна за внимание и почит. Мажот кој тоа ќе ѝ го даде е повеќе посакуван од партнер со кој има добар секс, но нема љубов.