Чешките фудбалери Владимир Цоуфал, Јан Кухта и Јакуб Брабец се исфрлени од националниот тим по ноќното излегување во градот Оломоуц. Фудбалската федерација на Чешка објави дека триото сериозно ги прекршило основните правила на однесување и дисциплина и нема да игра на последниот квалификациски натпревар против Молдавија в понеделник.
Локалниот портал Sport.cz пишува дека триото излегло во познатиот локален диско клуб Belmondo, каде што биле снимени и фотографирани од дел од навивачите. Пиеле и алкохол. Чесите дома пристигнаа во добра атмосфера бидејќи се на мал чекор до директен пласман на ЕУРО 2024.
Албанија го обезбеди, а Чешка мора да освои барем бод против Молдавија во понеделник. Доколку победат Молдавците, гостинската селекција ќе оди директно на ЕУРО, додека Чесите ќе паднат на третото место. Тренерот Јарослав Шилхавиј им нареди на играчите да штедат енергија, но споменатата тројка, играчите на премиерлигашот Вест Хем (Цоуфал), прашка Спарта (Кухта) и солунски Арис (Брабец), не го послушаа.
