Руските космонаути Олег Артемјев, Сергеј Корсаков и Денис Матвеев безбедно слетаа на Земјата откако минаа 195 дена на Меѓународната вселенска станица.
Вселенската капсула „Сојуз“ слета во степите во средишниот дел на Казахстан, потврдија и американската вселенска агенција НАСА. Во средата, Артемјев ѝ ја предаде командата на МВС на италијанската астронаутка Саманта Кристофорети, која стана првата Европејка што ја презела таа улога.
Астронаутите Боб Хајнс, Кјел Линдгрен и Џесика Воткинс се со неа на Станицата. Минатата недела им се придружија космонаутите Сергеј Прокопиев и Дмитири Петелин од Роскосмос, како и Френк Рубио од НАСА.
Новиот екипаж на Crew-5, составен од командантката Никол Аунапу-Ман и нејзиниот колега од НАСА, Џош Касада, јапонскиот астронаут Коичи Ваката и Русинката Ана Кикина треба да пристигнат во текот на следната седмица.
