Злосторството што го изврши турскиот боксер Ахмет Кемалоглу на големиот муслимански празник ја потресе цела Турција.
Кемалоглу (27) утрото на првиот ден од празникот Рамазан Бајрам ја убил неговата девојка, 25-годишната Зејнеп Сенпинар.
Двајцата живееле заедно во стан во градот Муглу во југозападна Турција.
Според турските медиуми, боксерот ѝ нанел на Зејнеп неколку убоди со кујнски нож, од кои таа починала.
Да биде случајот уште поморбиден, Кемалоглу се пофалил со свирепото убиство на Twitter околу 6 часот утрото, а потоа се обидел да се самоубие.
„Одзеде два живота, сега очите ти се просветлени“, напиша тој.
Наводно, Ахмет изгубил контрола откако Зејнеп му кажала дека сака да ја прекине врската и да си замине од станот.
Полицијата го уапси боксерот по неуспешниот обид за самоубиство и сега тој е во затвор и чека судење по обвинение за убиство.