Пристапот до социјалната мрежа Twitter беше оневозможен во текот на ноќта за некои корисници кои не можеа да се поврзат на нивниот профил или не можеа да гледаат некои профили.
Веб-страницата Downdetector објави дека околу 10.000 корисници пријавиле проблеми со Twitter, а најголем број пријави биле околу 1:35 часот по средноевропско време, по што престанале да пристигнуваат.
Степенот на прекинот сè уште не е познат, но новинарите на агенцијата Agence France-Presse во САД и Азија пријавија тешкотии при пристапот до нивните профили.
Техничкиот дефект доаѓа во чувствителен момент за компанијата Twitter, која е во превирања откако ја купи Илон Маск за 44 милијарди долари на крајот на октомври.
Претприемачот отпушти голем број вработени, вклучувајќи го и техничкиот персонал на платформата.
На прашањето од еден корисник дали Twitter е „паднат“, Маск одговори: „Мене ми работи“.