Очигледно, Twitter работи на нов план кој ќе ѝ овозможи на платформата да монетизира содржина.
Twitter експериментира со валута во апликација наречена „coins“ која треба да им помогне на креаторите да заработуваат на платформата.
Новата функција ја забележала Џејн Манчун Вон, истражувачка на апликации која често објавува информации за сѐ уште необјавени функции.
Според нејзините објави, „coins“ ќе биде продолжение на веќе постоечката функција за награди и бакшиш што ја има Twitter. Во моментов нема информации за тоа какви се плановите на Twitter за coins, ниту пак кога функцијата ќе биде лансирана.
Забележана е и опција „Awards“, која им овозможува на корисниците да ги користат споменатите монети за купувања во апликација. Монетите се поделени во категории, а не се знае која ќе биде цената за една монета.
Засега Илон Маск се нема огласено по повод за функциите „coins“ или „Awards“, но често споменувал дека сака повеќе начини за креаторите на содржини на Twitter да можат да бидат наградени.
