УЕФА го откажа спонзорскиот договор со руската гасна компанија Газпром, која беше еден од главните спонзори на сите натпреварувања под нејзина организација.
Поради инвазијата на Украина постојано се воведуваат нови санкции против Русите, а овој потег секако не е изненадувачки.
„УЕФА одлучи да го прекине партнерството со Газпром во сите натпреварувања. Одлуката стапува на сила веднаш и ги опфаќа сите постоечки договори, вклучително и Лигата на шампионите на УЕФА, националните тимови на УЕФА и УЕФА ЕУРО 2024 година“, соопшти европската фудбалска чадор-организација.
Спонзорскиот договор е во сила од 2012 година и наводно вреди околу 40 милиони евра по сезона.
УЕФА и ФИФА претходно објавија дека сите руски национални и клупски репрезентации се суспендирани од меѓународниот фудбал, а на Русија ѝ е одземена и улогата на домаќин на финалето од Лигата на шампионите што требаше да се игра во Санкт Петербург.
