Европската куќа на фудбалот има право да ги блокада клубовите да формираат посебно натпреварување како што е Суперлигата, соопшти главниот застапник на Европскиот суд на правдата, Атанасиос Рантос.
Како што се наведува во спорот кој се води, УЕФА била во право кога со санкции им се заканила на клубовите, бидејќи тоа е во склад со законите на Европската Унија.
„Правилата на ФИФА и УЕФА според кои секое ново натпреварување подлежи на претходно одобрување се компатибилни со законот за конкуренција на ЕУ“, изјави Рантос.
Најбогатите клубови од Европа минатата година се обидоа да ја формираат Суперлигата, одвоена од УЕФА, но проектот пропадна за помалку од 48 часа откако негодуваа навивачите, владите и играчите кои ги натераа Манчерстер Јунајтед, Ливерпул, Манчестер Сити, Челси, Тотенхем, Арсенал, Милан, Интер и Атлетико да се повлечат. Останаа само Јувентус, Барселона и Реал Мадрид кои се обидоа да ѝ тераат инает на УЕФА - нормално, неуспешно.
Конечната одлука на Судот се очекува наредната година, но судиите воглавно ги следат заклучоците на независните адвокати.
