Европската фудбалска федерација (УЕФА) донесе одлука за нови термини за одложените натпревари од групата И во квалификаците за пласман на ЕУРО 2024.
Имено, октомвриските натпревари на Израел со Косово и Швајцарија беа одложени поради нападот на Хамас во Израел и потоа со денови разменувањето на проектили меѓу израел и Појсот Газа.
Овие натпревари, со одлука на УЕФА, ќе се играат следниот месец, а репрезентацијата на Израел ја очекуваат дури 4 натпревари за само 9 дена.
УЕФА објави дека натпреварите што беа закажани за октомври ќе се одиграат на 12 и 15 ноември.
По тие натпревари со Косово и Швајцарија, кои сега се закажани за 12 и 15 ноември, Израел го очекуваат дуели со Романија на 18 и Андора на 21 ноември. Овие два натпревара остануваат во оригиналните термини, како што и претходно беа закажани.
Бидејќи првите два натпревара на Израел ќе се играат надвор од официјалниот термин, УЕФА одлучи клубовите да мора да пуштат барем еден играч на која било репрезентација на која оваа одлука се однесува и тоа најмалку два дена пред закажаниот дуел.
Во групата И е прва Романија со 16 бодови од 8 натпревари, следува Швајцарија со 15 од 7, па Израел со 11 од 6 натпревари. Косово, Белорусија и Андора се без шанси за пласман на завршницата.
Израел никогаш се нема пласирано на ЕУРО.