УЕФА обезбедила нови докази во случајот што Торинското обвинителство го води против Јувентус, пренесува La Gazzetta dello Sport.
Европската куќа на фудбалот официјално отвори истрага за финансиските малверзации на Јувентус на 1 декември 2022 година.
УЕФА ги испитува најновите биланси на „Бјанконерите“, кои му дозволија на клубот да го затвори „договорот за порамнување“ на 23 август минатата година.
Gazzetta пренесува дека УЕФА веќе неколку месеци е во постојан контакт со Торинското обвинителство и сега обезбедила нова документи кои се однесуваат на дополнителни испитувања извршени пред прелиминарното сослушување закажано за 27 март.
Торинското обвинителство предложи судење за 12 луѓе, вклучително и поранешниот клупски претседател Андреа Ањели, поранешниот потпретседател Павел Недвед, поранешниот менаџмент директор Фабио Паратичи и поранешниот извршен директор Маурицио Аривабене.
Она што е вредно за напоменување е фактот што истрагата што ја води Торинското обвинителство не е директно поврзана со казната со одземање на 15 бодови која Јуве ја доби во јануари. Таа казна беше издадена од Сојузниот апелационен суд на Италијанската фудбалска федерација (ФИГЦ).
Торинското обвинителство ги истражува наводните вештачки надувувани трансфер вредности на Јувентус, како и неговите маневри со платите на играчите. Втора истрага, која се води за платите во Јувентус, исто така ја води ФИГЦ, а токму таа може да донесе нова казна за „Старата дама“, додека УЕФА ќе покрене постапка за санкционирање доколку се покаже дека клубот свесно ја менувал баланс-состојбата.
Gazzetta пишува и дека ФИГЦ поседува документи кои може да инкриминираат и други клубови, и тоа Удинезе, Сасуоло, Болоња, Аталанта, Сампдорија и Каљари.