Aston Martin DB5, користен во текот на снимањето на „Goldfinger“, а украден во 1997 година, сега е пронајден по скоро 25 години.
Станува збор за Џејмс Бонд филм прикажан во 1964 година, а автомобилот беше една од „ѕвездите“.
Трагата му се изгуби во 1997 година, а претставува еден од четирите оригинални примероци на моделот користен за снимањето на филмот.
Украден е од приватен хангар на аеродром во Флорида. Всушност, се работи за единствен примерок со сите функционални гаџети, денес вреди 18,2 милиони фунти.
Во 1986 година бил купен за 275.000 фунти од американски бизнисмен.
Сега, е пронајдена трага од автомобилот на Блискиот Исток, како дел од приватна колекција. Веројатно, актуелниот сопственик не ни знаел дека поседува украден автомобил.