Украинската полиција денеска го уапси војникот на Националната гарда кој уби пет лица во воена фабрика пукајќи од службено оружје, а потоа побегна, изјави министерот за надворешни работи Денис Монастирски.
„Артем Рјабчук штотуку е уапсен од полицијата во регионот Дњепропетровск“, напиша Денис Монастирски на Facebook.
Рјабчук пукал со АК-47, а потоа побегнал од местото на настанот, соопшти Министерството за внатрешни работи. Меѓу жртвите се четворица војници и жена цивил. Монастирск изјави дека ќе биде формирана посебна комисија за истрага на инцидентот и условите кои довеле до ова злосторство.
Заменик-министерот Антон Герашченко изјави дека истрагата ќе се фокусира на мотивот за убиствата.
„Прво што ќе се испитува е дали војникот се соочувал со психолошки притисок во неговиот тим“, изјави Герашченко.
Истрагата исто така ќе испита како војникот го поминал медицинскиот преглед кој го квалификува за пристап до оружје.
