Пејачот Ламбе Алабаковски е осуден на условна казна затвор од 6 месеци за потпалување на културниот центар „Иван Михајлов“ во Битола на 4 јуни годинава. Пресудата е изречена минатата недела, а од денеска стана правосилна.
Адвокатот на Алабаковски, Дарко Стефановски за Радио Слободна Европа потврди дека казната нема да се реализира доколку во следните две години неговиот клиент не стори ново кривично дело.
На Алабаковски, кој призна вина за делото, му се вратени двете патни исправи и му се укинати мерките за обезбедување. По инцидентот на Алабаковски му беше изречена мерка притвор од 8 дена, потоа беше пуштен во домашен притвор, а подоцна му беше овозможено да се брани од слобода.
