Документарниот филм „Supersex“ за италијанскиот порно актер Роко Зифреди утре ќе излезе на Netflix, а за него има голем интерес.
Тој се има појавено во повеќе од 1.300 филмови за возрасни. Од оваа работа првпат се откажа во 2004 година, а во 2009 година повторно почна да снима. Во 2022 година објави дека повторно се повлекува од порно индустријата.
Споменатата серија има 7 епизоди, а ја режираше Франческа Маниери. Саул Нани го игра младиот Роко, додека Алесандро Борги го игра возрасниот Роко. Улогите ги толкуваат и Џазмин Тринка, Адриано Џанини, Енрико Борело, Винченцо Немолато, Гаја Месерклингер, Жад Педри и Линда Кариди.
„Си реков дека ако на жените им се даде можност да 'влезат во срцето' на машкоста - со сета нејзина дисфункционалност, потенцијална токсичност, па дури и нејзината моќ и да ја отфрлат, тогаш навистина немаме кого да обвинуваме. Кога Роко и јас се сретнавме, го имавме најголемиот конфликт што можете да го замислите, па тоа беше одличен почеток“, изјави Франческа.
Роко за магазинот The Independent откри како ја гледал серијата.
„Ги гледав сите 7 часа од серијата во едно седење, што беше доста тешко. Мојот ум работеше толку брзо. Толку многу спомени и среќа, но и многу болка“, рече тој.
Тој го зел своето име според ликот на Рош Зифреди, кој беше портретиран од Ален Делон во францускиот гангстерски филм „Borsalino“ од 1970 година. Познат е и по прекарот Италијански пастув. Инаку, вистинското име на италијанскиот порно актер е Роко Антонио Тано.