BMW има големи очекувања за моделот i4, а сега се објавени и рендери кои го откриваат неговиот изглед.
Од BMW се надеваат дека i4 ќе биде потполно електричен модел, но и седан. Моделот i4 ќе биде ривал на Tesla Model 3, а според некои перформанси ќе биде ривал и на автомобилот Model S.
Пристигнувањето на моделот i4 повеќе не е тајна, а од BMW и претходно објавија фотографии од прототипот во напредната фаза на тестирање, како и од предпродукцискиот примерок во фабриката.
Carbuzz го фотографираше автомобилот во текот на тестирањето, а на Instagram се појавија рендери кои го откриваат изгледот на овој модел.
BMW i4 ќе биде електрична верзија на претстојната Серија 4 Gran Coupe. Моделот i4 ќе има нов дизајн на предната маска кој не им се допаѓа на многумина обожаватели на BMW.
Се очекуваат најмалку три верзии, од кои едната ќе биде xDrive со погон на сите четири тркала.
Се очекува дека може да помине околу 600 км со едно полнење на батеријата, а во понудата ќе бидат моделите со ознаките i435, i440, i4 M50 xDrive.
BMW не го објави датумот кога ќе биде претставен моделот i4, но најверојатно ќе биде претставен оваа пролет.