Европската медицинска агенција открива дека шансите за вакцината на AstraZeneca да биде одобрена пред февруари се мали.
„Тие уште не ни имаат поднесено апликација кај нас. Не ни доставиле ниту доволно информации за вакцината. Недоволно за да добијат лиценца... Ни требаат повеќе податоци за квалитетот на вакцината. А, после тоа, компанијата треба формално да аплицира“, вели Ноел Ватион, заменик извршен директор на ЕМА говорејќи за белгискиот весник Het Nieuwsblad.
Според него, нема теорија вакцината да добие одобрување во првиот месец од 2021 година. Затоа, пак, неделава се очекува таа да биде одобрена во Обединетото Кралство. Компанијата испратила целосна апликација со сите потребни податоци кај Британскиот медицински регулатор.
Вакцинацијата против COVID-19 со вакцината на Pfizer веќе почна во земјите од ЕУ.