Руската вакцина Спутник V е ефикасна 82% против различни соеви на коронавирусот, вклучувајќи го и делта сојот, изјави вчера Андреа Антинори, директорот на клиничкото истражување на Националниот институт за инфективни болести кој направи студија за Спутник V.
„Ефикасноста на руската вакцина против соевите на коронавирус е 82%, што во споредба со 88% од вакцината на Pfizer не е значително помалку. Руската вакцина е многу ефикасна, барем против делта сојот, што е докажано во лабораторија“, рече Антинори за RAI 3.
Според неговите зборови, институтот се заинтересирал за руската вакцина по објавата за ефикасноста на Спутник во списанието Lanset.
„Генерално, има ефикасност од 91 процент, што е значително поголем процент од останатите вакцини базирани на аденовирус, почнувајќи од AstraZeneca и J&J“, додаде Антинори.
Целта на ова заедничко истражување е да се истражи ефикасноста на руската вакцина против различните соеви на коронавирус, а италијанскиот институт има примероци од повеќе од 100 соеви.
