Кевин Холанд со нокаут го совлада Роналду Соуза, познат како Жакаре, на настанот УФЦ 256.
Бразилецот има 41 година и е ветеран во овој спорт, но синоќа неславно ја заврши борбата.
Тој успеа да го собори 28-годишниот Холанд, успешно го држеше на паркетот и се чекаше некаква џиу-џицу мајсторија, кога Американецот „извади ас од ракавот“ - нокаут каков што не сте виделе досега.
Само погледнете го тајмингот на лактите на Холанд, тој успеа неколку пати да го погоди Соуза на вистинското место и целосно да го зашемети, а потоа да го нокаутира од прилично незавидна ситуација.
