Репрезентациите на Аргентина и Уругвај во петок ќе одиграат натпревар од квалификациите за Мундијалот 2026. Двете јужноамерикански селекции ќе се сретнат во Буенос Аирес, а натпреварот ќе започне еден час по полноќ, по средноевропско време.
Аргентина, која во последните 50 натпревари има само 1 пораз (од Саудиска Арабија на Мундијалот во Катар), ќе ја предводи Лионел Меси. На другата страна ќе биде ѕвездата на Реал Мадрид, Федерико Валверде, кој на новинарите им призна дека не може да го запре Меси.
„Не знам како да го направам тоа. Никогаш не ми успеа. Одиграв неколку Ел Класико против него и секогаш Каземиро имаше задача да го чува Меси. Тој беше добар, знаеше како да го спречи, но не можеше секогаш за до запре. Мора да го почитувате Меси бидејќи тој е еден од најдобрите играчи во светот“, изјави Валверде.
Аргентина води на јужноамериканската квалификациска табела со 12 бодови и перфектен учинок од 4 победи, Уругвај е на второто место со 7 бодови, колку што имаат Бразил и Венецуела.