Денешното вонредно 22. коло во најдобрата македонска фудбалска лига донесе интересни поместувања на табелата.
Соседите Вардар и Работнички по 95-ти пат ги одмерија силите во скопското дерби чии почетоци се во 1951 година. „Црвено-црните“ со голот на Дарко Глишиќ во 56. минута успеаја по вторпат сезонава со идентични 1:0 да ги совладаат „Романтичарите“ и освоија огромни три бода во борбата за опстанок. Интересно, Глишиќ погоди директно од корнер откако нафрлаше на прва статива.
Во меѓусебните дуели во сите официјални натпреварувања Вардар сега има 38 победи, Работнички остана на 33, а 24 пати играле нерешено. Прв пат овие два локални ривали се сретнале далечната 1951 година во Втората југословенска лига кога Работнички на двата натпревара славел со идентични 2:1, а вкупно 6 пати играле во таа конкуренција. Имаат одиграно и 6 натпревари во Купот на Маршал Тито, 2 во Првата ју-лига, 2 во Четвртата зона на Југославија, 1 Суперкуп на Македонија, 4 во Купот на Македонија, а најмногу - дури 70 - во 1.МФЛ.
Крајно интересна е ситуацијата на врвот каде три тима се на бод-два разлика. Откако денеска Шкупи и Шкендија заглавија во Штип и во Турново играјќи без голови против Брегалница и Брера, Струга со победа над Македонија ЃП го презеде челното место.
Тиквеш оствари важна победа над Силекс, а Гостивар се спаси од пораз на гостувањето во Охрид кај Воска Спорт откако помладиот брат на Елиф Елмас постигна израмнувачки гол при крајот на натпреварот.
Резултати 22. коло:
Вардар - Работнички 1:0
56' Дарко Глишиќ
Брегалница - Шкупи 0:0
Брера Струмица - Шкендија 0:0
Струга - Македонија ЃП 2:1
13' Буњамин Шабани, 21' Марјан Радески - 49' Алтин Алији
Тиквеш - Силекс 1:0
20' Роберчињу
Воска Спорт - Гостивар
24' Фатјон Јусуфи - 83' Мухамед Елмас
Табела:
