Фудбалерите на Вардар со победата над Брегалница (2:0) излегоа од опасната зона. Во ова коло Шкендија испушти предност од два гола против Гостивар, АП Брера Струмица лесно славеше над фенерџијата Македонија ЃП, а Работнички доживеа пораз во Кавадарци.
Вардар, победата против Брегалница ја обезбеди во интервал од 180 секунди. Марјан Алтипармаковски во 21. минута погоди од пенал, а три минути подоцна Дарко Глишиќ го постави конечниот резултат.
Шкендија не успеа да го победи Гостивар и покрај тоа што со головите на Аденис Шаља имаше водство од 2:0. Нигериецот Ланре Кехинде намали во 86. минута, во 90-та Решат Рамадани доби црвен картон, а во надополнувањето Кехинде го постави конечниот резултат 2:2.
Тиквеш со головите на Роберчињу и Кристијан Стојкоски го победи Работнички со 2:0. АП Брера Струмица на домашен терен со три гола во првото полувреме ја победи Македонија ЃП, а Воска Спорт на дебито на новиот тренер Срѓан Захаривски одигра 0:0 против Силекс.
Резултати 20. коло:
Вардар – Брегалница 2:0
Шкендија - Гостивар 2:2
Тиквеш - Работнички 2:0
АП Брера Струмица - Македонија ЃП 3:0
Воска Спорт - Силекс 0:0
Струга - Шкупи 2:2 (вчера)
Табела: