Џенифер Лопес и Шакира настапија минатата година на Супербоул, а годинава за музичкиот дел од спектаклот се погрижи канадскиот пејач Викнд (The Weeknd).
Во забавниот дел на полувремето тој изведе неколку свои хитови, поточно песните „Blinding Lights“, „Starboy“ и „Can't Feel My Face“.
Особено интересно е што Викнд не сакаше организаторите на Супербоул да платат за неговиот 13-минутен настап - како што пренесува Men's Health, тој самиот вложил околу седум милиони долари за да ги покрие сите трошоци.
Иако звучи чудно, ова не е првпат пејачите да плаќаат за настап.
Марк Генис, претседател на консултантската компанија Sportskorp, минатата година потврди за Forbes дека Џеј Ло и Шакира го сториле истото. Тој објасни дека маркетингот им значи многу на големите ѕвезди и нема подобро место за тоа од полувремето на Супербоул.