Принцот Вилијам денеска му оддаде почит на неговиот дедо, принцот Филип, кој почина во петокот на 99-годишна возраст, опишувајќи го како „исклучителен“ човек, додека неговиот брат Хари го нарече својот дедо „човек на должност, со голема смисла за хумор“.
Кенсингтонската палата објави фотографија од принцот Филип, војводата од Единбург, како седи со синот на Вилијам, принцот Џорџ, снимена во Норфолк во 2015 година.
– Среќен сум не само што го имав неговиот пример за да ме води, туку и неговото постојано присуство додека станав возрасен – и во добри времиња и во најтешки денови, рече Вилијам.
Тој додаде дека е благодарен за неговата добрина кон Кејт, неговата сопруга и војвотката од Сасекс и за „посебните спомени“ што неговите деца ќе ги имаат за нивниот прадедо, како и за „палавата смисла за хумор“.
– Мојот дедо беше исклучителен човек и дел од исклучителна генерација. Ќе ми недостасува, но знам дека тој би сакал да продолжиме да живееме, додаде тој.
Принцот Хари го опиша својот дедо како „човек на должност, со силна смисла за хумор“.
Војводата од Сасекс, кој во саботата се врати од САД во Велика Британија за првпат откако ѝ сврте грб на монархијата, во соопштение го поздрави принцот Филип како „карпа на несомнена посветеност на nејзиното височество кралицата Елизабета Втора“.
